Les supports en français

https://drive.google.com/open?id=1MdkXi13-ClPuq3lcnddBqd85kgL4KcaD

ქ.ხვედელიძე -პედაგოგიური პრაქტიკის კვლევა

ქ.ხვედელიძე -პედაგოგიური პრაქტიკის კვლევა

საკუთარი პედაგოგიური პრაქტიკის კვლევის შედეგების გაზიარების რეფლექსია

საკუთარი პედაგოგიური  პრაქტიკის  კვლევის შედეგების გაზიარების  რეფლექსია  

როგორ აღმოვფხვრათ ენობრივი კომპეტენციის ( ლაპარაკი) მიმართულებით წარმოშობილი პრობლემები უცხოური ენის საბაზო საფეხურზე                                                                                                                                                                           (როგორ გავაუმჯობესოთ კომუნიკაციის უნარ-ჩვევები უცხოური ენის გაკვეთილზე)

        

ფრანგული ენის უფროსი მასწავლებელი: ქეთევან ხვედელიძე

სსიპ ქალაქ ქუთაისის №30 საჯარო სკოლა

ქუთაისი 2018 წელი              

     

     სსიპ ქალაქ ქუთაისის #30 საჯარო სკოლაში ჩავატარე კვლევა-  როგორ აღმოვფხვრათ ენობრივი კომპეტენციის ( ლაპარაკი) მიმართულებით წარმოშობილი პრობლემები უცხოური ენის საბაზო საფეხურზე                                                                                                    (როგორ გავაუმჯობესოთ კომუნიკაციის უნარ-ჩვევები უცხოური ენის გაკვეთილზე)

     კვლევა განვახორციელე ინგლისური ენის უფროს მასწავლებელ სალომე ორმოცაძესთან ერთად.                                                                                                                                              ჩვენი საკვლევი თემის აქტუალურობას განაპირობებდა ის ფაქტი, რომ დღესდღეობით უცხოური ენის შემსწავლელ მოსწავლეთა გარკვეულ ნაწილს უჭირს ისეთი ენობრივი კომპეტენციის, როგორიცაა ლაპარაკი, ეფექტურად გამოყენება. რადგან ლაპარაკი არის ერთ-ერთი აუცილებელი საკომუნიკაციო უნარ-ჩვევა, რომელიც თავის მხრივ მრავალ უნარ-ჩვევას მოიცავს ( ლექსიკური ერთეულების ცოდნა, აზროვნების სხვადასხვა დონეების ფლობა).                                                                                                                                

  კვლევის მიზანი იყო - ენობრივი კომპეტენციის- ლაპარაკის, მიმართულებით წარმოქმნილი ხარვეზების დადგენა, პრობლემის ანალიზი და გაუმჯობესების გზების პოვნა.  მიღებული შედეგი დადებითია და ვთვლი რომ შეიძლებოდა მისი კოლეგებთან გაზიარება.

  კვლევის სამიზნე ჯგუფს წარმოადგენდა  მე-7² კლასის  მოსწავლეები  და კათედრის  მასწავლებლები. შევიმუშავე ადეკვატური კვლევის მეთოდები და შევადგინე კვლევის გეგმა.                                                                                                                                                           კვლევა განხორციელდა 2017-2018 სასწავლო წლის მანძილზე, კვლევის ვადა - 7 თვე-ნოემბერი- მაისი. აღნიშნული ვადის დასრულების შემდეგ,  გატარებული ინტერვენციების შეფასების შედეგად აღმოჩნდა, რომ მათი უმეტესობა შედეგიანი იყო  და საჭიროდ ჩავთვალე, რომ შეიძლებოდა უცხოური ენების  კათედრის წევრებთან მისი გაზიარება.                                                                                                                                          კვლევა წარმატებით რომ განმეხორციელებინა და შედეგები სანდო ყოფილიყო, კვლევის მეთოდებიდან ავირჩიე როგორც თვისობრივი, ასევე რაოდენობრივი მეთოდები (ანკეტირება, კითხვარი).

 ანკეტირება ---მივმართე ანკეტირებას რათა გამეგო პასუხები კვლევისთვის მნიშვნელოვან კითხვებზე.  კითხვარები მოვამზადე:

 ა)   მე- 7² კლასის მოსწავლეებისათვის.                                                                          

ბ) კათედრის მასწავლებლებისათვის.

     პრაქტიკის კვლევის მანძილზე,  პირველადი  კვლევების, ინტერვენციებისა და  დაკვირვების შედეგად  შეძენილმა გამოცდილებამ და მიღებულმა შედეგებმა  აჩვენა,  რომ  ლაპარაკის კომპეტენციის გაუმჯობესება  ეფუძნება  მნიშვნელოვან ფაქტორებს, რაც საჭიროებს რეკომენდაციების შემუშავებას.                                                                                  კვლევის პროცესში ვიცავდი კვლევის ეთიკის ნორმებს, რაც გულისხმობს კვლევაში ჩართულ პირთა პატივისცემას, ინფორმირებულ თანხმობასა და კონფიდენციალობის დაცვას.                 

  კვლევის შედეგების პრეზენტაციისას, კოლეგებს გავაცანი კვლევის დასკვნები და რეკომენდაციები, რომლებიც შევიმუშავე კვლევის შედეგად მიღებული გამოცდილების ფარგლებში.   კვლევის შედეგების გაზიარება საინტერესო აღმოჩნდა კოლეგებისთვის. უკუკავშირი ძირითადად იყო დადებითი. კოლეგების გარკვეული ნაწილი, ვისთვისაც კვლევის გაზიარება დადებითი იყო მიიჩნევს, რომ თვითონაც განახორციელებენ საკუთარ პედაგოგიურ პრაქტიკის კვლევას.  თემის არჩევა მათი პრაქტიკის საჭიროებიდან მოხდება.                                                                                                                      

  კვლევა, რომელმაც კოლეგების დაინტერესება გამოიწვია,  კონკრეტული  პრობლემის გამოვლენაზე იყო ორიენტირებული. გარკვეულმა საკითხებმა, რომლებიც კვლევის დროს გამოიკვეთა, ნათელი სურათის შესაქმნელად დამატებითი კვლევის საჭიროება გააჩინა;  კვლევის ფარგლებში ხაზგასმა მოხდა ისეთ მნიშვნელოვან ფაქტორზე, როგორიცაა : მოსწავლეთათვის  მრავალფეროვანი მასალის  მიწოდების საჭიროება.  საჭიროა მასწავლებლების  მხრიდან ამ საკითხზე ყურადღების მეტად  გამახვილება.  

  მასწავლებლების პროფესიული აქტივობები გახდა მრავალმხრივი, ამასთანავე, მათი  მხრიდან  დიდი დაინტერესება გამოიწვია  არამარტო  პრობლემის წამოჭრამ, არამედ მისი  აღმოფხვრის გზების ძიებამ.  ის მასწავლებლები, რომლებიც მონაწილეობას არ იღებდნენ კვლევის პროცესში, სურვილს გამოთქვამდნენ პრაქტიკულ აქტივობებში მონაწილეობაზე და თანამშრომლობით პროექტებზე.                                                                                             ამრიგად, ჩემი კვლევის შედეგებიდან და კოლეგების უკუკავშირიდან გამომდინარე, შემიძლია ვიფიქრო, რომ შემს მიერ გაწეული პედაგოგიური საქმიანობა სასარგებლო გამოდგა, ამასთანავე,  კოლეგების რეკომენდაციები  დამეხმარება პრაქტიკის გაუმჯობესებაში, რაც   ასევე, გაზრდის ჩემს  მოტივაციას.   

                                         

ინტელის პროექტი

                  გამოგონება, რომელმაც იხსნა კაცობრიობა


                       კურსის რეფლექსია


   ინტელის ტრენინგ კურსის გავლის შედეგად გავეცანი და დავამუშავე არაერთი მნიშვნელოვანი საკითხი, რაც მომავალში აუცილებლად გამომადგება, ჩემი პედაგოგიური საქმიანობის გასაუმჯობესებლად. ეს დადებით ასახვას ჰპოვებს სასწავლო პროცესზეც.  ტრენინგ კურსის განმავლობაში  შესაძლებლობა მქონდა გამეანალიზებინა, დამესაბუთებინა საკუთარი გადაწყვეტილებები, მხედველობაში მივიღე ამა თუ იმ სასწავლო ტექნიკის გამოყენებისას მოსწავლეთა რეაქციები და უკუკავშირი. ყოველთვის ვასრულებდი დავალებებს და ვითვალისწინებდი ტრენერის რჩევებს და შენიშვნებს. ყველაზე მნიშვნელოვანი იყო შეფასების რუბრიკების გაცნობა და აგრეთვე პროექტის მოთხოვნების გათვალისწინება. მუშაობის დროს შეძენილი გამოცდილება დამეხმარება როგორც საკუთარი პედაგოგიური პრაქტიკის გამრავალფეროვნებაში, ასევე კოლეგებთან თანამშრომლობაშიც. კურსის ბოლოს წარმოვადგინე კონკრეტული სასწავლო პროექტი, შესაბამისი პრეზენტაციით, შეფასების რუბრიკებით და დამხმარე მასალებით.

ტრენინგის მერვე დღე

ტრენინგის მერვე დღეს ტრენერმა გაგვაცნო სასწავლო პროექტის შეფასების რუბრიკები. ეს მოდული დამეხმარა იმაში, რომ უკეთ გამენალიზებინა რუბრიკების ტიპები, გავეცანი სხვადასხვა საფეხურის პრეზენტაციების ნიმუშებს. აგრეთვე, შევადგინე ჩემი სასწავლო პროექტის შეფასების რუბრიკები.

მეშვიდე დღის რეფლექსია

ტრენინგის მეშვიდე დღის სამუშაო თემები იყო - სასწავლო პროექტების დაგეგმვა და შეფასების განსაზღვრა მოსწავლეთა საჭიროებების დასადგენად. გავეცანი შეფასებისთვის საჭირო სტრატეგიებს. დავამუშავე  ჩემი თემისთვის საჭირო შეფასების  სხვადასხვა მეთოდი. ასევე მოვისმინე დეტალური ინფორმაცია ბლოგის სხვადასხვა ფუნქციის შესახებ.

ტრენინგის მე-6 დღე

დღეს გავეცანით მე-6 მოდულის ძირითად საკითხებს, რაც დამეხმარება სასწავლო პროცესის უკეთ დაგეგმვაში. მოცემულ მოდულზე მუშაობით ვისწავლე პროექტის პრეზენტაციის ბლოგზე  განთავსება. შევაფასეთ კოლეგების პრეზენტაციები.